Ил тод байдал

Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт өөрчлөлт оруулах тухай

НИЙГМИЙН ДААТГАЛЫН САНГААС ОЛГОХ ТЭТГЭВЭР, ТЭТГЭМЖИЙН ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ 1 дүгээр зүйл.Нийгмийн даатгалын сангаас олгох тэтгэвэр, тэтгэмжийн тухай хуульд доор дурдсан агуулгатай дараахь хэсэг, заалт нэмсүгэй: 1/3 дугаар зүйлийн 5, 6 дахь хэсэг: “5.Төрүүлсэн болон гурав хүртэл настайд нь үрчлэн авч зургаан нас хүртэл хүүхдээ өсгөсөн эхийн нийгмийн даатгалын шимтгэл төлсөн нийт хугацаан дээр төрүүлсэн болон үрчлэн авсан хүүхэд бүрийн тоогоор нэг жил зургаан сарыг нэмж тооцно. 6.Энэ зүйлийн 3 дахь хэсгийн 3 дахь заалтад заасан хугацааны шимтгэлийг дараахь журмаар төлнө: 1/холбогдох хууль тогтоомж, хамтын гэрээ хэлэлцээрт заасны дагуу ажил олгогч нь; 2/нийгмийн даатгалд сайн дураараа даатгуулсан эх энэ хуулийн 191 дүгээр зүйлд заасан тэтгэмж авах эрх үүссэн бол тэтгэмжийн даатгалын сангаас; 3/энэ хэсгийн 1 ба 2-т зааснаас бусад тохиолдолд эхийн төлбөл зохих шимтгэлийн 50 хувийг төрөөс, 50 хувийг эх өөрөө.” 2/4 дүгээр зүйлийн 7 дахь хэсэг: “7.Хөдөлмөр эрхлэлтийг дэмжих тухай хуулийн 3.1.9-д заасан иргэн доор дурдсан болзол хангасан бол өндөр насны тэтгэвэр тогтоолгон авах эрхтэй: 1/нийт 20-иос доошгүй жил, үүнээс 15-аас доошгүй жил малчнаар ажиллаж тэтгэврийн даатгалын шимтгэл төлсөн эрэгтэй 55 нас хүрсэн бол; 2/нийт 20-иос доошгүй жил, үүнээс 12 жил 6 сараас доошгүй жил малчнаар ажиллаж тэтгэврийн даатгалын шимтгэл төлсөн эмэгтэй 50 нас хүрсэн бол.” 2 дугаар зүйл.Нийгмийн даатгалын сангаас олгох тэтгэвэр, тэтгэмжийн тухай хуулийн 3 дугаар зүйлийн 3 дахь хэсгийн 3 дахь заалт, 192 дугаар зүйлийн 1 дэх хэсгийг доор дурдсанаар өөрчлөн найруулсугай: 1/3 дугаар зүйлийн 3 дахь хэсгийн 3 дахь заалт: “3/хүүхдээ гурван нас хүртэл асрах чөлөөтэй байсан хугацаа;” 2/192 дугаар зүйлийн 1 дэх хэсэг: “1.Энэ хуулийн 191 дүгээр зүйлд заасан тэтгэмж авах эрх үүссэн […]

Тэтгэвэрийн нас нэмэгджээ.

Нийгмийн даатгалын сангаас олгох тэтгэвэр, тэтгэмжийн тухай хуулийн 4 дүгээр зүйлийн 1 дэх хэсгийн “60 нас” гэснийг “65 нас” гэж, “55 нас” гэснийг “60 нас” гэж, “эмэгтэй” гэснийг “даатгуулагч” гэж, мөн зүйлийн 2 дахь хэсгийн “50 нас” гэснийг “55 нас” гэж, мөн зүйлийн 5 дахь хэсгийн “60 нас хүрсэн эрэгтэй, 55 нас хүрсэн эмэгтэй” гэснийг “энэ зүйлийн 1 дэх хэсэгт заасан насанд хүрсэн даатгуулагч” гэж тус тус өөрчилсүгэй. 2 дугаар зүйл.Энэ хуулийг 2018 оны 01 дүгээр сарын 01-ний өдрөөс эхлэн дагаж мөрдөнө.

“ГАЗРАА ӨМЧИЛЬЕ, ИРЭЭДҮЙДЭЭ ХӨРӨНГӨ ОРУУЛАЛТ ХИЙЦГЭЭЕ”

“ГАЗРАА ӨМЧИЛЬЕ, ИРЭЭДҮЙДЭЭ ХӨРӨНГӨ ОРУУЛАЛТ ХИЙЦГЭЭЕ” СЭДЭВТ АЯНЫ ХӨТӨЛБӨР Монгол Улсын иргэнд газар өмчлүүлэх тухай хуулийн 41 дүгээр зүйлийн 41.2 дахь заалтанд тусгагдсаны дагуу иргэнд “ГЭР БҮЛИЙН ХЭРЭГЦЭЭНИЙ” зориулалтаар нэг удаа үнэ төлбөргүй өмчлүүлэх хуулийн хугацаа 2018 оны 05 дугаар сарын 01-ний өдөр дуусгавар болохтой холбогдуулан аймгийн ИТХ-ын 2017.02.20 – ны өдрийн (more…)

200.0 сая төгрөгийн төсөвт өртөгтэй зорилтот төсөл хүлээн авах тухай

Та бүхнийг Хөдөлмөр эрхлэлтийг дэмжих ажлын хүрээнд 200.0 хүртэлх сая төгрөгний төсөвт өртөгтэй зорилтот төслийг боловсруулан ирүүлэхийг урьж байна. Төсөл нь орон нутийн онцлог хэрэгцээнд нийцсэн, тэргүүлэх чиглэл, ерөнхий шаардлага, шалгуурыг хангасан, хөдөлмөр эрхлэлтийг нэмэгдүүлэх, ажлын байр бий болгох чиглэлээр боловсруулагдсан байна. Төслийг 2017 оны 05 сарын 25 ны дотор сумын ЗДТГазарт ирүүлнэ. Жич: Аймгийн ХХҮГазар, Хөдөлмөр эрхлэлтийн аймгийн зөвлөл, ХХҮЕГазар шалгаруулалтыг хийнэ. Лавлах утас: 99707540 ХХҮГазар, сумын ЗДТГазар

Зарлал

Хепатитын В вирусийн халдвар илрүүлэх шинжилгээнд хамрагдаж, халдваргүй болох нь тогтоогдсон 40-65 насны иргэдэд сайн дурын үндсэн дээр В вирусийн эсрэг вакцин хийх болсон учир 2017 оны 05 дугаар сарын 10-20-ны хооронд ирж вакцинд хамрагдахыг уриалж байна. / Жич: Вакцин цөөн тун ирсэн байгаа. / Лүн сумын ЭМТөв

Иргэдийн анхааралд

Өгөөмөрийн 2 дугаар багийн нутагт гоц халдварт хонины Цэцэг өвчин гарсан тул малчид иргэдийг уг өвчнөөс урьдчилан сэргийлж, 2017 оны 06 сарын10-ны дуустал мал мах бэлтгэх, тээвэрлэх болон малын шилжилт хөдөлгөөнийг бүрэн зогсоосныг мэдэгдэж байна. Лүн сумын ЗДТГ

Ахмадуудын анхааралд

Төв аймгийн ахмадын амралтанд 2017 оны 06 сарын 29 нөөс 10 хоног хөнгөлөлттэй үнээр амраах тул амрах хүсэлтэй ахмадууд бүртгүүлнэ үү. – /1 хоног нь-8000 төг/ – Шинээр баригдсан дулаан байртай – Өдрийн 5 удаагийн хоол цайтай – Физик эмчилгээ, асаргаа сувилгаатай – Өрөөндөө 2-оороо байрлана/өрөө бүр 00 той/ – Саун, душ тоглоомын өрөөтэй Лавлах утас: ХХМэргэжилтэн-99707540

Зарлал

Ажилтай орлоготой иргэн урианы жилийн хүрээнд 2017оны 07 сарын 05- наас 07-ны өдрүүдэд “Наадам” үзэсгэлэн худалдаанд иргэд дараах чиглэлээр оролцоно уу. 1. Шинэ айраг болон даршилсэн ногоо 2. Айраг сүү цагаан идээ 3. Гурилан бүтээгдэхүүн 4. Мал мах, махан бүтээгдэхүүн 5. Хурдан морины хэрэгсэл / хусуур, эмээл, хазаар / 6. Үндэсний дээл хувцас 7. Гутал малгай бэлэг дурсгалт 8. Гар урлалын зүйл 9. Асар майхан Оролцох иргэд багийн Засаг даргадаа бүртгүүлнэ үү.

Олон улсын хүүхдийн эрхийг хамгаалах өдөр

Олон улсын хүүхдийн эрхийг хамгаалах өдрөөр манай суманд Ачлалт эх арга хэмжээ зохион байгуулагдаж, “Ачлалт эх”-ээр Цагаан -Уулын 1-р багийн малчин Ш.Чулуун гуай өргөмжлөгдлөө. Ш.Чулуун гуай нь 7 хүүхэд төрүүлж өсгөсөн буурай билээ. мөн тус арга хэмжээний үеэр 4 хүүхэд төрүүлж өсгөсөн 5 ээж Эхийн алдар II одон гардан авлаа. Монголын үрс маш олон болтугай.

ИТХ-ын төлөөлөгчдийн өдөртэй боллоо.

Төв аймгийн Лүн сумын ИТХ-ын Тэргүүлэгчдийн 2017 оны 5 дугаар сарын 22-ны өдрийн 26 тоот тогтоолоор төлөөлөгчдийн өдрийн жил бүрийн 6, 12 дугаар саруудад хийж байхаар тогтоосон. Энэхүү тогтоолын дагуу 2017 оны 6 дугаар сарын 1-ний өдөр иргэдэд сонгогчиддоо зориулж төлөөлөгчдөөс “Мэндийн цагаан хадаг” нэртэй урлагийн тоглолт зохион байгууллаа. Лүн сум нь Иргэдийн төлөөлөл болсон 21 төлөөлөгчтэй. Энэхүү урлагийн тоглолтонд төлөөлөгчид бүрэн хамрагдаж Олон улсын хүүхдийн эрхийг хамгаалах өдрөөр сонгогчиддоо барьсан гэнэтийн бэлэг боллоо.