Байгууллагууд

Цаг агаарын мэдээ

2017 оны 04-р сарын 15-наас 19-нийг хүртэлх 5 хоногийн цаг агаарын урьдчилсан төлөв: 16-нд ихэнх нутгаар, 18-нд нутгийн баруун хойд хэсгээр бага зэргийн, 19-нд нийт нутгаар хур тунадас орно. Салхи ихэнхи хугацаанд 5-10 м/с, 15-16-нд зарим газраар 12-14 м/с, түр зуур 16-18 м/с хүрч ширүүснэ. Ихэнх хугацаанд нутгийн зүүн хойд хэсгээр шөнөдөө 3-8 градус хүйтэн, өдөртөө 5-10 градус дулаан, бусад нутгаар шөнөдөө 0-5 градус хүйтэн, өдөртөө 10-15 градус дулаан байна. 16,18-нд нийт нутгаар өмнөх хоногоос эрс сэрүүсэн хүйтрэх төлөвтэй байна.

Албан тушаалтны хариуцлагын гэрээ байгуулав.

Төв аймаг дах төрийн албаны зөвлөлийн салбар зөвлөлөөс 2017 оныг “Төрийн албан хаагчийн сахилга хариуцлага, ёс зүйг сайжруулах жил” болгон зарласантай холбогдуулан Лүн сумын удирдлагууд урианы жилийн ажлыг сумандаа нээлээ. Нээлтийн арга хэмжээнд төсвийн 5 байгууллагын 118 төрийн албан хаагч 41 иргэн оролцов.Лүн сумын ЗДТГ-аас төрийн албан хаагчийн сахилга хариуцлага, ёс зүйг сайжруулах зорилгоор төрийн бүх албан хаагчидтай “Албан тушаалтны ажлын хариуцлагын гэрээ” байгууллаа. Мөн уг гэрээг хэрэгжүүлэх хэлбэр болох “Албан тушаалтны хариуцлагын тасалбар”-ыг боловсруулан гаргаж төсвийн байгууллагын дарга нарт хэрэгжүүлэх үүрэг өгөв. Мөн төсвийн байгууллагын дарга, төсвийн шууд захирагч, төсвийн нягтлан бодогч нар аймгийн Засаг даргын “Батламж” гэрээнд гарын үсэг зурав.

Сумдын төрийн албан хаагчид туршлага солилцлоо

2017 оны 04 дүгээр сарын 07-ны өдөр Лүн сумын Засаг даргын Тамгын газарт Баянхангай, Өндөрширээт сумдын ЗДТГазрын дарга, Хууль Эрх зүйн мэргэжилтэн, Санхүүгийн албаны дарга, Нийгмийн бодлогын мэргэжилтэн, Архив бичиг хэргийн эрхлэгч нарын хамтарсан уулзалт болж өнгөрлөө. Уулзалтын хүрээнд сумдын дарга, мэргэжилтнүүд нэг нэгнээсээ ажлын туршлага судалж, харилцан туршлага солилцлоо.

Нийгмийн эрүүл мэндийн өдөр

Төв аймгийн Иргэдийн хурлаас 7 хоног бүрийн Лхагва гарагийг “Нийгмийн эрүүл мэндийн өдөр” болгон зарласантай холбоотойгоор сумын эрүүл мэндийн төвтэй хамтран биеийн жингийн индекс тодорхойлон ажлын байрны дасгал хөдөлгөөний хийлээ. Тус дасгал хөдөлгөөнд ЗДТГ, Эмнэлэг, Соёлын төв, Сургуулийн 48 хүн оролцлоо. Уг дасгалын сумын нийгмийн эрүүл мэндийн ажилтан, сумын нийгмийн бодлогын ажилтан нар хамтран хийлгэлээ. Уг арга хэмжээг дараа дараагийн удаад байгууллага бүр ажлын байран дээрээ нэгдсэн журмаар хийхээр боллоо.

Аймгийн нэгдсэн эмнэлэгт үзүүлэх иргэдийн анхааралд

Хөдөө нутгийн иргэдийн эрүүл мэндийг хамгаалах дэмжих, эмнэлэгийн тусламж үйлчилгээний хүлээгдэл, чирэгдэлийг багасгах зорилгоор аймгийн Нэгдсэн эмнэлэгийн амбулаторийн нарийн мэргэжлийн эмч нарын үзлэг шинжилгээг долоо хоног бүрийн Мягмар, Лхагва гаригт хийж байх шийдвэр гарсан. Энэ шийдвэрийн дагуу иргэд хөдөө орон нутгаас ИРЭХЭЭСЭЭ ӨМНӨ аймгийн нэгдсэн эмнэлгийн 70272366 утсаар цахим бүртгэлд бүртгүүлж урьдчилан ЦАГ АВЧ үйлчилгээгээ авна уу. Сумын ЭМТөв